Кырачааннар Дьабыыл оскуолатын боруогун атыллаатылар

01.09.2021

Нуораҕана агротехнологическай хайысхалаах оскуолатыгар быйылгы үөрэх дьылыгар барыта 76 үөрэнээччи киирдэ. Бастакы кылааска 6 кырачаан оскуола боруогун атыллаата. Кинилэри уопуттаах учуутал Татьяна Гаврильевна Курчатова үөрэтиэҕэ. Кырачааннарга олохтоох дьаһалта баһылыгын солбуйааччы Татьяна Иванова истиҥник эҕэрдэлээн туран бэлэхтэри туттарда, маны сэргэ, директор Александр Винокуров улуустааҕы Үөрэх управлениетын бэлэхтэрин туттарда 2020-2021 үөрэх дьылын Дьабыыл нэһилиэгин оскуолата үрдүк таһаарыылаахтык түмүктээтэ.


Быйыл оскуоланы Елена Афанасьевна Сидорова кылаас салайааччылаах 5 оҕо бүтэрбититтэн түөрдэ үрдүк үөрэххэ, биир оҕо орто анал үөрэххэ киирдилэр. Попова Аня БКЭ-ни нуучча тылыгар 92, нуучча литературатыгар 94, английскай тылы 71 баалга туттарбыта. Кини ХИФУ информационнай-коммуникационнай технологиялар французскай уонна английскай тылларын үөрэтэр салааҕа киирдэ. Сергей Жирков БКЭ-ни географияҕа 60, нуучча тылыгар 61, биологияҕа 57 баалга туттаран ХИФУ естественнай  наукалар Институттарыгар экология уонна айылҕаны туһаныы салаатыгар киирдэ. Слава Ковлеков БКЭ -ни нуучча тылыгар 72, математикаҕа 62, физикаҕа 49 баалга туттаран ХИФУ физико-техническэй Институтун радиофизика уонна электроннай систиэмэ салаатыгар, Слава Петров БКЭ-ни нуучча тылыгар 64, физикаҕа 40 баалга туттаран АГАТУ инженернай  факультетыгар агроинженерия салаатыгар үөрэнэ киирдилэр.  Сахая Борисова БКЭ-ни нуучча тылыгар 65 баалга туттарбыта. Кини технологическай техникумҥа повар-кондитер идэтигэр үөрэнэ киирдэ. Оҕолор талбыт идэлэрин баһылаан  дьоһун дьон буолалларыгар баҕарабыт.


Подробнее: https://xn--h1abcx8dca.xn--p1ai/article/22815

Просмотров всего: , сегодня: Хочу такой сайт

Рейтинг: . Оценили: .

Дата создания: 03.09.2021

Дата обновления: 03.09.2021

Дата публикации: 01.09.2021

Наверх
На сайте используются файлы cookie. Продолжая использование сайта, вы соглашаетесь на обработку своих персональных данных. Подробности об обработке ваших данных — в политике конфиденциальности.

Функционал «Мастер заполнения» недоступен с мобильных устройств.
Пожалуйста, воспользуйтесь персональным компьютером для редактирования информации в «Мастере заполнения».